OurenseÚltima hora

O Periódico O Sil, no 7º Foro da Comunicación de Galicia que se celebrará en Ourense

25 expertos analizarán en Expouresne as novas formas de comunicar a través da información, a publicidade, o marketing e o deseño

 

Ourense converterase un ano máis na capital galega da información, do marketing, do deseño e da publicidade coa celebración do Foro da Comunicación de Galicia que chega a súa sétima edición “consolidado xa como un punto de encontro de referencia para os profesionais galegos vencellados a estes sectores, xa que lles ofrece a oportunidade de compartir experiencias con grandes expertos do sector e con directivos de importantes empresas que marcan tendencia á hora de comunicar”, explican dende a organización.

Esta cita celebrarase o venres 29 de novembro en Expourense e ofrecerá un completo programa no que participan 25 relatores entre os que estará o director do Periódico O Sil. Carlos García Hervella formará parte da mesa redonda sobre “comunicación como ferramenta de dinamización social e económica na contorna rural” coa que arrancará o programa ás 10 da mañá. García Hervella exporá a súa experiencia de como contribuír dende os medios a dar resposta ás necesidades e demandas existentes na súa área xeográfica de influencia, especialmente na comarca de Valdeorras, e compartirá mesa con Fernando Rodríguez Méndez, membro da Rede Española de Xornalistas Rurais, rede presidida polo xornalista Manuel Campo Vidal; e a directora xeral de Dinamización Demográfica da Xunta de Galicia, Amparo González.

 

O Periódico O Sil será un dos protagonistas desta edición do Foro: /Foto: Mónica G. Bellver.

 

Esta edición do foro conta ademais coa representación de importantes profesionais do deseño en España; de márketing dixital e de publicidade como Dimensión, CHINA, Disrupción-Dx Global ou a propia BAP&Conde de Galicia.

Como vén sendo habitual nos últimos anos, o programa de conferencias de Foro da Comunicación rematará pola tarde para dar paso á gala de entrega dos IV Premios Paraugas da Comunicación e do Marketing de Galicia e que está organizado polo Cluster da Comunicación de Galicia en colaboración con Expourense. Estes premios recolleron máis de 250 candidaturas, 50 das cales pasaron á final. Nesta gala serán homenaxeados pola súa traxectoria profesional o deseñador ourensán Luis Carballo (a título póstumo); o anterior director xerente de Expourense e impulsor deste Foro, Alejandro Rubín; e o deseñador Cruz Novillo (recoñecido como “o home que deseñou España”). Tamén será entregado o premio anual de Executivas de Galicia que reacerá na presentadora galega Silvia Jato.

O obxectivo deste 7º Foro da Comunicación de Galicia é “poñer en valor a calidade e innovación do traballo das empresas galegas nestes sectores, incluíndo tamén experiencias punteiras de empresas de fóra da nosa comunidade”. O programa de conferencias dividarase en varias mesas de debate onde recoñecidos expertos no sector abordarán temas de actualidade que foron seleccionados polo comité organizador deste evento e no que se atopan as principais asociacións profesionais do sector en Galicia e as Facultades de disciplinas vencelladas á comunicación ou publicidade.

A asistencia a esta xornada precisa de inscrición previa a través da web www.expourense.org. contando xa con máis de 250 inscritos.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close