As primeiras persoas en participar na iniciativa “Enoturismo para heroes”, promovida pola adega Regina Viarum da Ribeira Sacra, son o persoal do Servizo de Axuda no Fogar (SAF) de Sober e tamén os efectivos de Protección Civil deste municipio.
Nesta mañá de sábado visitaban a adega acompañados polo alcalde de Sober, Luis Fernández Guitián, quen agradece e recoñece “o xesto da adega” ante o “enorme traballo que levan feito estes profesionais desde que se decretou o estado de alarma”.
A bodega soberina pretende con esta campaña agradecer o esforzo dos sanitarios e outros profesionais que loitaron contra a pandemia e axudaron a aqueles que o necesitaron. Dende o Concello de Sober tamén se manifesta un “grazas enorme para todos eles”.
Fotos cedidas.