O sábado 18 de outubro, o Teatro Principal de Ourense acollerá o espectáculo “Petí Comité” de Teresa Nieto en Compañía.
A partires das 20:30h. a bailarina e coreógrafa presentará na cidade das Burgas un dos seus múltiples traballos de danza. Nesta montaxe seis bailaríns da compañía Teresa Nieto (Daniel Doña, Melania Olcina/Vanessa Medina, Ruth Muelas/Sara Cano e a propia Teresa Nieto), interpretan seis pezas curtas independentes, que se engloban dentro da mesma proposta e concepto estético, destacando a importancia da luz como outro intérprete máis.
Cada peza baséase nun concepto distinto, “seis pequenos poemas elaborados con luz e carne, seis búsquedas, seis desexos, seis emoción, seis encontros, seis estados, seis vivencias, seis relacións. Seis evanescencias que espero lembres” en palabras da propia Nieto.
A venda anticipada de entradas para a función está dispoñible a través de www.teatroprincipalourense.com / www.entradas.abanca.com e do teléfono 902434443. Na taquilla do teatro os días 17 e 18 de outubro de 12h. a 14h. e dúas horas antes do inicio da función. O prezo das localidades é de 15€ (butaca, platea, 1º andar) e de 13€ (2º andar, paraíso e VR).
