Publicidade
AutomobilismoDeportesÚltima hora

O piloto barquense alevín Leo Pérez volve á competición galega de karting

Correrá o domingo 19 de xullo a segunda proba do calendario autonómico en Forcarei

Leo Pérez no circuíto da Madalena (Forcarei), onde competirá este domingo./ Foto cedida.

 

Quedan apenas uns días para que o piloto barquense alevín Leo Pérez Pereira (Seijo Kart) volva á competición, algo que leva desexando durante semanas. O vindeiro domingo 19 de xullo, retomarase o calendario galego de karting no circuíto da Madalena en Soutelo de Montes (Forcarei, Pontevedra). Alí disputarase a segunda cita do calendario autonómico, que quedaba en suspenso pola crise do Covid.

Na primeira das probas, celebrada o 8 de marzo, o piloto barquense facíase coa vitoria na primeira carreira (semifinal), cun tempo de 10:34.753, mentres que final quedaba segundo. A suma das dúas situábao de líder da clasificación.

 

 

“Estamos moi ilusionados. Este é o seu primeiro ano como alevín e vémolo como unha tempada de aprendizaxe, pero é certo que, tras a primeira proba, Leo está de líder e nos adestramentos que fixemos no circuíto ten o mellor tempo de todos. El está con moitas ganas e todo o que sexa quedar no podio será un logro”, explica Julio Pérez, pai deste xove piloto.

Así Leo Pérez sairá á pista dentro dunha semana con obxectivos de podio para tratar de manterse na cabeza da clasificación alevín galega de karting.

Fotos cedidas.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close