DeportesÚltima hora

O piloto valdeorrés Leo Pérez lidera o campionato de Castela León de karting na categoría Rookie

Este barquense de tan só 7 anos suma un total de 74 puntos tras vencer nas dúas primeiras probas do calendario

Hai cinco meses que collía un kart por primeira vez e agora, con pouco máis de 7 anos, lidera o campionato de Castela e León de karting na categoría Rookie. O piloto barquense Leo Pérez Pereira comezaba adestrando en Cabañas Raras, na comarca do Bierzo, seguindo as orientacións de Roberto Lindoso, o seu adestrador (que ten competido no campionato de España e no mundial de karting), e onde tamén encandilou ao seu irmán, Eric, o propietario do circuíto.

Tras dúas carreiras, a primeira en Cabañas Raras en febreiro e a segunda no circuíto AGA Racing (en Villarcayo o 18 e 19 de maio), Leo (ALE Team) encabeza a clasificación do Campionato de Castela e León cun total de 74 puntos, avantaxando en 11 ao segundo clasificado, Adrián Dopico (As Pontes Motorsport).

Agora a competición terá un pequeno parón e retomarase a finais de verán (con citas en Benamariel e Castroponce), pero entre tanto este piloto ten previsto acudir algunhas probas no norte de España e en Portugal, tal e como adianta o seu pai, Julio Pérez.

Fotos cedidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close