DeportesÚltima hora

O Pizarras Los Tres Cuñados FS homenaxeará a “Jess” Carrera no partido de 1/4 de final da Copa Galicia

O encontro ante o Noia Portus Apostoli F.S. disputarase mañá, 7 de setembro, ás 20h. no pavillón de Calabagueiros (O Barco)

 

Plantel do Pizarras Los Tres Cuñados FS. /Foto: Carlos G. Hervella.

 

O primeiro partido oficial en casa desta tempada para o Pizarras Los Tres Cuñados FS que se disputará mañá, 7 de setembro no Barco, será moi especial. Non só por ser cando o equipo valdeorrés celebre, por terceiro ano consecutivo, o memorial en homenaxe ao seu xogador Jesús Carrera “Jess”; senón porque será o partido de pase á Final Four da XXIX Copa Galicia. “Unha circunstancia que ademais, fará do partido un encontro ineludible que promete reunir a toda a afección”, aseguran dende o club branco.

O partido ante o Noia Portus Apostoli F.S. comezará ás 20h. no pavillón de Calabagueiros. Unha cita á que o Tres Cuñados chega despois de vencer en oitavos de final ao Sala Ourense por 3-4 “nun partido trepidante que se definiu a falta de cinco minutos para o pitido final”, informan dende o club, convidando á poboación a asistir ao que “para nós é un dos eventos máis destacados e emotivos do ano”.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close