DeportesGalerías de fotosÚltima hora

O Pizarras Los Tres Cuñados FS xa está en cuartos de final da Copa Galicia

O conxunto valdeorrés pasa á seguinte ronda trala vitoria 3-4 ante o Sala Ourense no pavillón dos Remedios

 

Na cancha do pavillón dos Remedios en Ourense, comezaba o Pizarras Los Tres Cuñados FS a tempada, e facíao cunha vitoria nos oitavos de final de Copa Galicia ante o equipo local, o Sala Ourense.

O terceiro posto conseguido na pasada campaña en segunda nacional B, deixaba ao equipo valdeorrés exento da primeira fase eliminatoria da Copa pasando directamente a oitavos de final e o resultado, non pudo ser máis positivo neste primeiro test oficial de nivel para o renovado plantel que dirixe Xocas Miranda.

Para o Tres Cuñados era o primeiro partido oficial pero o Sala Ourense chegaba aos Remedios logo de superar ao CRI Carballiño na fase previa da Copa e tras unha primeira parte máis ou menos igualada que acababa coa vitoria local tralo gol de Edgar, o capitán dos visitantes, Bruno, empataba nada máis comezar a segunda metade, dominada polo Sala que chegaban a poñer o 3-1. Non conformes co resultado, os visitantes reaccionaban e ían recurtando distancias co gol de Gonzalo no minuto 35, co segundo de Bruno no 37′ e co de Iván xa no 39′.

Co 3-4 final o Pizarras Los Tres Cuñados FS pasa a cuartos de final onde recibirá en Calabagueiros (O Barco) ao Noia Portus Apostoli de 2ª división.

Fotos: Carlos Domarco/ Sala Ourense e  Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close