Na tarde-noite do luns 10 de novembro, a Corporación municipal da Rúa aprobaba por unanimidade o plan de reducción de débeda elaborado polo equipo de goberno de Avelino García Ferradal. Agora están por debaixo do 110% obrigado polo Estado e a idea é baixar do 75% en cinco anos. Para conseguilo, o alcalde asegurou que deben seguir polo camiño que levan “contención do gasto e pagar os créditos”.
Par iso o pleno daba asemade luz verde a solicitude de modificación de condicións financieiras do préstamo subscrito na primeira fase do mecanismo de pago a proveedores (RD Ley 4/2012).
No turno de rogos e preguntas, o socialista Luis Fernández preguntou polo retraso na aprobación do PXOM e polo futuro Centro de Saúde, propoñendo que dado que a obra se retrasará no tempo, tenten paliar as deficiencias do actual Centro de Saúde. Entre a principal demanda está a accesibilidade ao piso superior. Nese punto tanto o goberno local como os grupos da oposición estiveron dacordo e o alcalde comprometeuse a estudar as posibilidades.
