Eleccións municipaisPolíticaÚltima hora

O PP da Rúa presenta a súa candidatura

A lista encabezada por Avelino García Ferradal, inclúe moitos dos nomes da anterior lexislatura
A lista coa que o PP da Rúa concorre ás eleccións. /Foto: Carlos G. Hervella.
A lista coa que o PP da Rúa concorre ás eleccións. /Foto: Carlos G. Hervella.

“A mellor candidatura posible para gobernar o Concello da Rúa”. Así define o presidente do Partido Popular de Ourense, Manuel Baltar, a lista coa que o PP da Rúa concorrerá ás eleccións do 24 de maio.

Nun acto innovador, celebrado no Centro Cultural Avenida na tarde do 24 de abril, no que interviñeron algúns dos membros da lista, o candidato e actual rexidor, Avelino García Ferradal, exercía de mestre de cerimonias presentando un a un aos membros do seu equipo, moitos dos cales xa gobernaron con el nos últimos catro anos. É o caso de María Teresa Varela Ancochea que repite como número dous e María del Carmen Álvarez que conserva o cuarto posto. Cambia o tres, no que en lugar de Susana García Méndez, que baixa ata o seis, irá José María Casillas Campo, novo na candidatura, igual que o número 5, Diego González Moral.

O presidente do PP de Ourense na presentación da candidatura na Rúa. /Foto: Carlos G. Hervella.
O presidente do PP de Ourense na presentación da candidatura na Rúa. /Foto: Carlos G. Hervella.

Completan a lista Miguel González López (6), Miguel González López (7), Elisa González López (8), José Francisco Saco Macía (9), Borja Antonio Leivas García (10) e María José Alonso Rodríguez (11). Como suplentes preséntanse Jesús Martínez Carballo, Ramón Díaz Macías, María del Carmen Quiroga Diéguez e María Eugenia Medina González.

O candidato popular e actual alcalde da Rúa, Avelino García Ferradal. /Foto: Carlos G. Hervella.
O candidato popular e actual alcalde da Rúa, Avelino García Ferradal. /Foto: Carlos G. Hervella.

Na súa intervención, o candidato a alcalde destacou “a importancia de acadar a maioría absoluta nos comicios de maio para que o Concello continue avanzando”, así como “a calidade humana e profesional do equipo que representa ó PP. Esta non é unha lista personalista, somos un gran equipo” dixo.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close