Ata Valdeorras se desprazaban representantes do Partido Popular de Ourense neste 9 de outubro no marco do calendario de reunións que están a realizar cos representantes das agrupacións locais desta formación política de cara a preparar as eleccións xerais do 10 de novembro e “para dar a coñecer as claves dunha campaña electoral singular, posto que só terá unha duración de oito días”.
O secretario xeral e coordinador de campaña dos populares, Rosendo Fernández, afirmou que con estas reunións “estamos a demostrar que en calquera lugar hai persoas do PP comprometidas coa provincia, recollendo as súas aportacións para facer propostas que respondan ás necesidades da cidadanía e ofrecer así unha alternativa de goberno”.
Na xuntanza desta tarde participaron os representantes das agrupacións locais que integran o Partido Xudicial do Barco de Valdeorras, dentro da correspondente xunta electoral de zona: O Barco, Carballeda de Valdeorras, Petín, A Rúa, Rubiá, A Veiga e Vilamartín.