Publicidade
PolíticaÚltima hora

O PP do Barco critica o feito de enterarse pola prensa da decisión do alcalde deste municipio de asignarlle a súa dedicación exclusiva á edil de Cultura

Sabina Aguado, portavoz do grupo municipal do PP do Barco./ Foto: Carlos G. Hervella.

 

A través dunha nota de prensa emitida na tarde do 10 de decembro o grupo municipal do PP do Barco vén de criticar a decisión do alcalde do Barco, Alfredo García, de deixar a súa dedicación exclusiva no Concello e de pasarlla á súa segunda tenente de alcalde e concelleira de Cultura.

“Para nós non é tan importante o soldo como a responsabilidade que esta dedicación exclusiva conleva. E, neste caso, máis que unha reestruturación de competencias parece un reparto de diñeiro. O que si nos aclara este movemento do grupo de goberno é quen será a sucesora do actual alcalde e quen vai mandar a partir de agora no Concello”, di o PP do Barco no seu comunicado, asinado pola voceira popular Sabina Aguado.

Tamén critican a forma na que se fixo pública esta medida e amósanse indignados. “Infórmase antes á prensa que á posición, xa perdimos a conta das veces que ocorreron feitos similares”. Os populares do Barco consideran que, “unha vez máis, Alfredo García ignora ao resto de representantes municipais. Gobernan como se a oposición non existise, non se nos dan as explicacións oportunas e se se dan, é cando se esixen, sempre tarde e sempre despois que á prensa. O que demostra unha absoluta e total falta de respecto non tanto aos representantes municipais, como aos cidadáns que nos elixiron a todos”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close