Os concelleiros populares barquenses daban unha rolda de prensa en Ourense para informar sobre ela
O 16 de outubro o PP do Barco entregaba á Fiscalía 2.648 reparos técnicos efectuados á xestión do alcalde barquense, Alfredo García, durante o periodo 2003-2013. Así o sinalaban nunha rolda de prensa que tiña lugar na sede do PP en Ourense. Nela o portavoz municipal, Moisés Blanco Paradelo, apuntaba que esta nova documentación é importante por estar relacionada directamente co procedemento de Dilixencias Previas 0000224/2014 que está sendo tramitado no Xulgado de 1ª Instancia e Instrución Nº1 de O Barco de Valdeorras.
De feito, os populares solicitan que os 2.648 reparos técnicos aportados “se incorporen ás dilixencias xa incoadas ou, no seu caso, que se acorde a incoación de novas dilixencias “.