Publicidade
PolíticaÚltima hora

O PP logra o apoio do 54,52% dos votos depositados nas urnas de Valdeorras

O candidato popular Moisés Blanco fai un balance moi positivo dos resultados do seu partido na comarca

Moisés Blanco (no centro), facendo seguemento do reconto na sede do PP do Barco./ Foto: A.R.

 

Neste 12 de xullo o PP lograba na provincia de Ourense un total de oito deputados, un menos nas eleccións do 2016. No caso da comarca de Valdeorras o PP lograba un 54,52% dos votos, un resultado valorado de maneira moi positiva por barquense Moisés Blanco, número 12 da candidatura popular pola provincia.

“Esta foi unha campaña diferente, que nos obrigou a facer actos máis pequenos, e nós tomámola moi en serio- Fumos porta a porta, visitamos todos os barrios e estivemos o máis preto que puidemos, dentro das condicións de seguridade e hixiene da xente, explicando o proxecto de Feijóo e do PP e creo que o resultado o que di é que Feijóo fíxoo ben en Galicia, os galegos apróbano e tamén os valdeorreses aproban a súa xestión”, indica Moisés Blanco.

 

 

Ademais, despois de ter estado dúas lexislaturas como parlamentario galego, di sentirse “reconfortado destes resultados porque son unhas porcentaxes importantes”. Moisés Blanco considera que o apoio logrado polo PP en Valdeorras “é o reflexo de que o partido, o presidente Feijóo e o seu goberno estiveron cerca dos problemas, proxectos e necesidades, e foilles dando respostas na medida das súas posibilidades”.

Blanco agradece “este voto maioritario nunha comarca na que tamén hai moitas alcaldías do PSdeG” e dá as grazas “aos alcaldes e alcaldesas de Valdeorras e tamén a todos os concelleiros e portavoces porque este é un traballo moi importante e, se non se fai cerca do cidadán todos os días é moi complicado que as políticas que se desenvolven nas consellerías e no Parlamento poida chegar á xente. Creo que esta vitoria non podería terse conseguido sen a súa implicación”.

 

Principais resultados do 12X en Valdeorras

Fonte: Xunta de Galicia.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close