PolíticaÚltima hora

O PP pide a Fomento o arranxo do firme da estrada N-120 en Valdeorras

O deputado popular Moisés Blanco lembra que se trata da “vía máis importante de comunicación da comarca coa capital da provincia”, con Galicia e coa comarca do Bierzo

 

Tramo da N-120 ao seu paso por Valdeorras./Foto: Carlos G. Hervella.

 

O grupo popular no Parlamento de Galicia vén de rexistrar unha proposición non de lei na que lle pide ao Ministerio de Fomento a rehabilitación estrutural do firme na estrada N-120, “especialmente no tramo que transcorre desde Valdeorras ata Monforte de Lemos, continuando cos traballos de desmontes e saneamentos de rochas para impedir desprendementos”.

O deputado valdeorrés Moisés Blanco sinala nesta iniciativa que na actualidade existe o proxecto para a construción da autovía A-76 que ao longo de 125 quilómetros comunica Ponferrada con Ourense, pero “ata que este proxecto se converta, pouco a pouco, nunha realidade tanxible, é necesario que a N-120 estea nas mellores condicións, para o seu uso seguro e eficiente, posto que a día de hoxe continua a ser a vía principal de comunicación destas comarcas do interior”. Paradelo tamén lembra que nos últimos meses teñen acontecido varias saídas de vehículos e accidentes nos que se rexistraron falecementos.

 

O deputado autonómico do PP, Moisés Blanco, no Parlamento galego./ Foto: Carlos G. Hervella.

 

Asemade o parlamentario salienta que a N-120 “foi e segue a ser a vía máis importante de comunicación da comarca de Valdeorras coa capital da provincia, as principais cidades de Galicia e mesmo coa veciña comarca do Bierzo”. Neste sentido, recorda que por esta estrada “diariamente transitan centenares de vehículos e moi especialmente camións que transportan toneladas de lousa, un dos nosos recursos naturais máis prezados, que da sustento a miles de familias tanto en Valdeorras, coma no Bierzo ou mesmo nas zonas do sur da provincia de Lugo”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close