OurenseÚltima hora

O prazo de presentación dos carteis para o Samaín e os Magostos de Ourense remata o 19 de outubro

O premio do concurso, convocado pola Concellería de Cultura, está dotado con 600 e 800 euros
Castañas asadas.

Ata o venres 19 de outubro, estaá aberto o prazo para presentar os carteis anunciadores para as festividades de Samaín -Festa de Todos os Santos, 31 de outubro- e a dos Magostos –11 de novembro- que participen no concurso convocado pola Concellería de Cultura de Ourense.

Os carteis deberán de incluír obrigatoriamente os seguintes textos: “Samaín: Mércores, 31 de outubro 2018” e “Magostos: Domingo, 11 de novembro de 2018, Ourense. Festa de interese turístico”. Os orixinais, que deberán ser inéditos, serán presentados en dous tipos de soporte: Gravados en alta resolución nun CD (lexible en PC), en formato editable (Adobe Photoshop, Illustrator ou Freehand). Ou impresos e pegados sobre cartón pluma debidamente protexido de tamaño 50×70 cm. adoptando forma vertical.

Ademais, terán un espazo libre igual ou superior a 5 centímetros de alto no seu borde inferior para que, con carácter anterior á impresión, a Concellería de Cultura poida incorporar os logotipos e lendas que considere oportunos. O premio do concurso para o deseño do cartel dos Magostos estará dotado con 800 €, e o de Samaín con 600 € e os carteis elixidos serán utilizado tamén como imaxe gráfica integrante dos anuncios na prensa escrita, carteis, mobiliario urbano publicitario, e outros elementos divulgativos que editará o Concello para promocionar o programa de actividades destas festas.

As bases completas están publicadasen ourense.gal e en ourensecultura.com.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close