Na tarde do 22 de abril, José Prieto “El Español”, lía o pregón na praza José Luis Núñez. Nel falou do seu ben querido pobo ao que sempre quixo volver, das súas xentes, lembrando asemade aos seus antecesores “que con palabras sentimentais, nostálxicas, de admiración e incluso con humor souberon con acerto loar o noso pobo e ao noso patrón”.
Con estas palabras, arrancaban de forma oficial as Festas de San Jorge 2016. Unhas festas patronais que continuaban na mesma xornada coa actuación da Coral Municipal de Vilamartín e o Orfeón Trivés no Centro Sociocultural Santa Lucía. Xa na praza, o baile de tarde e verbena corría por conta da orquestra Costa Dorada.
O programa continúa mañá sábado coa procesión e misa de San Jorge ás 12 horas, a representación teatral “A idade do pavosaurio” a cargo do grupo Xaime Prada ás 18:30 horas en Santa Lucía, e a actuación do grupo Cañón en sesión de tarde e verbena.
Máis información na edición en papel do Periódico O Sil.
Fotos: Carlos G. Hervella.
