ConcellosÚltima hora

O premio de poesía Florencio Delgado Gurriarán chega ás residencias da terceira idade

A gala celebrarase o sábado 29 de setembro no Centro Cultural Avenida da Rúa
Anxo Baranga recitará poemas nas residencias da terceira idade./ Foto: Mónica G. Bellver.

O proxecto cultural Al Letras de Florencio afronta unha semana cargada de actividades por toda a comarca, organizadas en torno á gala de entreda do premio de poesía que se celebrará o vindeiro sábado 29 de setembro na Rúa.

En primeiro lugar, retómase a exposición que por mor do tempo non se pudo levar a todos os concellos o curso pasado. Esta semana estará no CEIP Julio Gurriarán e despois percorrerá todos os centros do concello do Barco de Valdeorras, Rubiá e A veiga.

E dos máis pequenos aos maiores, nunha nova actividade que empeza tamén esta semana, ofrecendo aos homes e mulleres que se atopan nos centros de anciáns, actividades musicais e de teatro. “Con estas ademáis de entretelos sabemos que podemos axudar a esquecer as dores do corpo e da alma”, asegura a directora do proxecto Débora Álvarez. Para esta actividade contan con Anxo Baranga, que recitará textos da literatura galega nas residencias de anciáns dos concellos de Rubiá e Vilamartín de Valdeorras, xunto a Rober Fernández que porá música a moitos deles.

E xa na fin de semana celebraranse os actos do premio de poesía. O sábado ás 13h. daranse a coñecer os finalistas do premio nun acto oficial en Corgomo e ás 21h no Centro Cultural Avenida da Rúa terá lugar a gala dirixida polas poetisas María Ladoe Lucía Aldao, onde tamén se fará entrega dos galardóns aos finalistas e darase a coñecer ao gañador do concurso. O domingo a partires das 12:30h. presentarase en Petín a exposición “FDG Bebedeira de ensoños” e seguidamente as poetisas María Lado e Lucía Aldao guiarán un combate poético co colectivo Poetas da Hostia, formado por Xabier xil Xardón, Daniel Landesa, Silvia Penas acompañados da música de Mig Seoane. A continuación os locais hostaleiros de Petín ofrecerán unha sesión vermú con petiscos e aperitivos.

 

Cartel das actividades.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close