OurenseÚltima hora

O presidente da CHMS José Antonio Quiroga e o alcalde de Muíños, Pácido Álvarez, asinaron hoxe o convenio das obras do proxecto “Raia Termal”

Cun investimento que supera ós 150 mil euros, a Confederación Hidrográfica do Miño-Sil mellorará tres sendeiros fluviais en torno ó embalse de As Conchas

 

O presidente da CHMS, José Antonio Quiroga, e o alcalde de Muíños Plácido Álvarez durante a sinatura do convenio.

José Antonio Quiroga, presidente da Confederación Hidrográfica do Miño-Sil (CHMS) e o alcalde de Muiños, Plácido Alvarez, rubricaron hoxe o convenio de colaboración que posibilita as obras que a CHMS vai realizar dentro do proxecto europeo de cooperación transfronteiriza (POCTEP) “Raia Termal”. O obxectivo é determinar as condicións que rexirán a financiación, execución e réxime da posterior entrega para o mantemento e a conservación das obras do proxecto.

Cun investimento prevista que pode chegar a superar ós 150 mil euros, que será asumida na súa totalidade pola CHMS (o 75% a través de fondos POCTEP e o 25% restante con fondos propios do organismo), o proxecto contempla a construción dunha senda peatonal dende o Complexo Turístico Deportivo de O Corgo cara a Illa de Pazos, o acceso ás praias de O Corgo dende a zona de O Rañadoiro e a mellora do sendeiro que leva á central de Salas.

Na primeira das obras abrirase un sendeiro cun ancho de aproximadamente 2 m e lonxitude de 1 920 m, dende as inmediacións do CD de O Corgo cara a Illa de Pazos, na zona se servidume do marxe esquerdo do embalse de As Conchas.

A mellora de acceso á praia fluvial de O Rañadoiro, de lonxitude aproximada de 220 m, farase dende as inmediacións do mesmo pobo, facilitando así o acceso a pé e o paso de vehículos de emerxencia.

A última das execucións será para acondicionar o sendeiro á central de Salas, dende o vial de acceso á depuradora municipal. Este vial, cun ancho variable que ronda os 3 m e de lonxitude aproximada duns 300m, foi recentemente aperturado polo concello ata conectalo cun vial xa existente.

O obxectivo principal de “Raia Termal” inspírase nos principios xerais que rexen os proxectos de cooperación transfronteiriza: a protección e conservación de espazos rurais fluviales fronteirizos dos ríos Miño e Limia, a aposta polo medio ambiente e dos recursos termais que ofrece a zona, e unha mellora da calidade ambiental da auga. Polo tanto, o seu fin é o de contribuír á valorización do termalismo e dos recursos fluviais para favorecer o turismo de calidade, a saúde e o patrimonio natural tanto na provincia de Ourense como nas poboacións transfronteirizas do norte de Portugal.

 

Texto: Carlota Pérez de Juan Burgos

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close