ConcellosÚltima hora

O presidente da Fegamp pide que o 15% dos fondos europeos de reconstrución se transfira aos concellos de forma directa

Alberto Varela transmitíallo ao delegado do Goberno en Galicia, José Miñones, na xuntanza que mantiña con el esta mañá

 

A Federación Galega de Municipios e Provincias (Fegamp) vén de trasladarlle ao delegado do Goberno en Galicia, José Miñones, a “urxencia de inxectar diñeiro aos concellosgalegos afogados polos defectos do sistema de financiamento e apandemia do coronavirus”.

Así llo comunicaba o seu presidente, Alberto Varela, ao representante do Estado en Galicia, no primeiro encontro mantido con el. Na xuntanza, celebrada esta mañá, abordouse a “preocupante situación das arcas municipais, agravada tanto polos custos das medidas fronte a crisesanitaria como polas axudas sociais á cidadanía ou ás pymes que están a prestaras entidades locais”.

O presidente da Fegamp solicitou tres medidas fundamentais para os concellos: “a transferencia do 15% dos fondos europeos de reconstrución para que os xestionen directamente os concellos, a devolución do IVE pendente de 2017 (que no caso dos concellos galegos suma45 millóns de euros), e a imperiosa necesidade de aumentar a aportación económica ao Servizo de Axuda no Fogar, sufragado maioritariamente polos concellos a pesar de que ía recaer no Estado e nas Comunidades Autónomas”.

A este respecto Varela suxeriu o establecemento de transferencias de carácter finalista que garanten un adecuado financiamento deste servizo esencial. Ao termo dunha xuntanza “cordial e construtiva”, o presidente da Fegamp salientou “a consciencia” de José Miñones da realidade municipal trala súa experiencia como alcalde de Ames e confiou que a súa empatía e coñecemento axudarán a prestar o mellor apoio á administración local.

Artigos relacionados

Back to top button