SanidadeÚltima hora

O programa de “acompañamento nos Hospitais e Centros de Saúde 2020”, en marcha

A iniciativa levarase a acabo inicialmente en dúas das sete áreas sanitarias galegas: a de Lugo e a de Ourense, segundo Sanidade

Exterior do Hospital Universitario de Ourense./ Foto: Carlos Asensio.

 

O “Acompañamento nos Hospitais e Centros de Saúde 2020” é un proxecto de humanización que consiste na realización, por persoas voluntarias, de todo tipo de actividades de acompañamento e apoio aos usuarios/as dos centros sanitarios públicos.

O seu obxectivo principal é “axudar ás persoas usuarias do sistema público de saúde, que previamente foron atendidas nos puntos de información polo persoal do Sergas, proporcionándolles información e acompañamento sobre os recursos e servizos existentes nos seus centros de referencia e sempre baixo a coordinación das diferentes xerencias das áreas sanitarias”, segundo a Consellería de Sanidade.

 

 

Durante unha visita ao Hospital de Ourense, a conselleira de Política Social, Fabiola García, e o conselleiro de Sanidade, Jesús Vázquez Almuiña, agradecían neste 12 de febreiro o labor dos voluntarios do programa de acompañamento en hospitais e centros de saúde, a súa implicación e solidariedade. Reuníanse cos participantes que comezaron a fase de formación do proxecto neste centro hospitalario.

Esta iniciativa levarase a acabo inicialmente en dúas das sete áreas sanitarias: a de Lugo e a de Ourense. Para o desenvolvemento destes labores voluntarios, o Sergas ofrece un programa de formación previo. Ademais tamén se lle ofrecerá un seguro de accidentes e de responsabilidade civil. O prazo de inscrición para participar deste proxecto aínda está aberto e poderá realizarse a través da páxina web de Voluntariado Galego.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close