O programa “Pupas, sustos e outros desgustos” formaba neste curso en primeiros auxilios a case 1.800 nenos

Está sendo impartido por enfermeiras de Atención Primaria e pretende formar aos nenos no seu autocoidado e tamén para que saiban recoñecer e actuar ante unha situación de emerxencia

Un dos momentos da presentación do balance desta actividade formativa.

O taller de primeiros auxilios “Pupas, Sustos e Outros Desgustos”, promovido pola Xerencia de Xestión Integrada de Ourense, constitúe unha iniciativa pioneira en Galicia coa que enfermeiras dos centros de saúde contribúen a formar aos rapaces de 3º e 4º de primaria, mediante simulación práctica e xogos, para perder o medo e actuar, tanto en pequenos accidentes como emerxencias. Na mañá deste 19 de xuño presentábase o balance do curso 2018-19.

As promotoras do programa, Verónica Civeira e Dolores Sánchez, enfermeira do C.S. de Carballiño e subdirectora de procesos de enfermería, acompañadas polo xerente, Julio García Comesaña e a Delegada Territorial da Xunta de Galicia, Marisol Díaz Mouteira, deron a coñecer os resultados deste curso, que permitíu formar a 1.798 rapaces de 41 colexios de toda a provincia, crecendo nun 78% de participación con respecto ao curso 2017-2018, no que tan só se realizou na comarca do Carballiño.

Impartido por enfermeiras de Atención Primaria da Xerencia de Xestión Integrada do Sergas en Ourense, Verín e O Barco de Valdeorras, o obxectivo do taller é “empoderar” aos nenos no seu autocoidado formalos para que saiban recoñecer e actuar ante unha situación de emerxencia, e tamén ante as pequenas incidencias e accidentes, perdendo o medo ante situacións da vida diaria.

O programa iniciouse con gran éxito o pasado curso escolar na comarca de Carballiño, o que motivou a súa extensión este curso a toda a provincia contando coa participación de persoal de enfermería de 16 servizos de atención primaria ademais de residentes en formación e técnicos do 061.

Para avaliar os coñecementos adquiridos, aos rapaces faiselle unha enquisa previa e posterior ao curso e os resultados son moi positivos no conxunto de situacións. Especialmente significativo é que tras o curso o 95,89% dos nenos sabían número de teléfono ao que chamar ante unha emerxencia e o 85,92% como reaccionar ante un atragoamento, fronte a un coñecemento previo do 5,49%.

Ademais da adquisición de coñecementos o formato está a ser moi valorado tanto polos alumnos como polos profesores, cun 95% e un 97% de valoracións coa máxima puntuación positiva.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies