O provincial escolar de natación celébrase mañá no Barco de Valdeorras

A piscina climatizada do Barco de Valdeorras acollerá mañá, sábado 21 de abril, o campionato provincial escolar de natación para as categorías benxamín e alevín, masculino e feminino.

Na proba, incluída no programa XOGADE (Xogos Galegos Deportivos) poden participar todos os clubs, centros de ensino, asociacións, ANPAS, etc que cumpran os requisitos de inscrición e comezará ás 16:30 horas con probas individuais e de relevo.

En individual serán catro: 50 braza-crol masculino benxamín; 50 braza-crol feminino benxamín; 100 braza-crol masculino alevín; e 100 braza-crol feminino alevín.

E en relevos outras catro: 4x50m libre masculino benxamín; 4x50m libre feminino benxamín; 4x100m libre masculino alevín; e 4x100m libre feminino alevín.