Publicidade
ConcellosÚltima hora

O proxecto EmprendOU preséntase en Vilariño de Conso

A deputada Luz Doporto na presentación do programa en Vilariño de Conso./ Foto cedida.

 

O salón de plenos do Concello de Vilariño de Conso acollía neste martes 18 de febreiro a presentación do proxecto EmprendOU. Este acto contaba coa presenza da deputada provincial do Reto Demográfico, Igualdade, Benestar e Emprego, a barquense Luz Doporto, que daba conta das bases desta iniciativa da Deputación de Ourense.

O proxecto EmprendOU da Deputación de Ourense apoia a nova actividade empresarial das persoas que teñen entre 16 e 30 anos para que poidan crear o seu propio posto de traballo, xa sexa individual ou formando parte dunha persoa xurídica de carácter mercantil, e o fagan naquelas áreas rurais afectadas polo gran desafío demográfico, os que se denominan “municipios elixibles”, en concreto, son 82 os concellos da provincia que poderán beneficiarse deste proxecto.

Á presentación asistían representantes de concellos desta zona, como é o caso da alcaldesa da Vilariño de Conso, Melisa Macía; ademais de axentes de desenvolvemento local e mozos emprendedores desta comarca, “concluíndo esta primeira rolda de visitas ás comarcas da provincia de Ourense que comezamos no pasado mes de outubro e coa que pretendemos chegar ao maior número de veciños posible”, explicou Luz Doporto.

A deputada provincial indicaba que a través destas visitas “medrou o número de mozos interesados neste proxecto”, mostra disto é que cada vez “son máis as iniciativas empresariais que se suman ao EmprendOU, logrando os nosos obxectivos iniciais de xerar emprego e asentar á mocidade no rural”. Por elo, “continuaremos a realizar estes encontros tan produtivos con diferentes asociacións e entidades que así o soliciten”, engadiu Luz Doporto.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close