Cun programa moi variado de propostas chegan as III Xornadas Micolóxicas de Parada de Sil que terán como escenario a Fábrica da Luz de Barxacova. Celebraranse o domingo 16 de novembro e comezarán a partires das dez da mañá cunha charla que correrá a cargo de dúas traballadoras do Concello de A Veiga que falarán sobre o “Proxecto Tregumelos”, que vén desenvolvendo este municipio valdeorrés dende hai uns anos, e tamén da Ordenanza reguladora pola que se rixe o coto de cogomelos deste Concello. Con esta ponencia preténdese “dar a coñecer o proxecto que se está levando a cabo neste concello e que é pioneiro en Galicia”, aseguran dende a organización das xornadas.
A seguinte conferencia, prevista para as 11h virá da man de Ricardo Mínguez e Borja Mínguez, que ofrecerán unha clase teórica de iniciación aos cogomelos, para, a continuación, levar a cabo unha saída guiada ao monte para recoller estes froitos de outono.
Xa ás 14h terá lugar o xantar. A cantina da Fábrica da Luz ofrecerá un menú degustación a base de cogomelos recollidos na zona. O prezo deste menú será de 12 euros.
E como broche, as xornadas incluirán un obradoiro de identificación e clasificación dos cogomelos recollidos na saída da mañá. As participación nas Xornadas é gratuita, ainda que cómpre inscribirse previamente. Para mais información e inscricións pode chamarse aos teléfonos 988 984 990/679 060 509 ou enviar un correo electrónico ao enderezo info@afabricadaluz.com.
Estas III Xornadas Micolóxicas de Parada de Sil serán organizadas pola Fábrica da Luz en colaboración co Concello.