O PSdeG-PSOE mantén a maioría absoluta no Barco e o BNG regresa á corporación

O partido socialista obtén dez concelleiros, cinco o PP, 1 Riada Cidadá e 1 o BNG

Os resultados das eleccións do 26M dan unha nova e ampla maioría absoluta ao partido socialista no Barco. A candidatura liderada por Alfredo García acadaba dez concelleiros, ao lograr o 54% dos votos emitidos, mantendo así a cifra de representantes dos pasados comicios, e mesmo cun lixeiro incremento porcentual, tal e como se valoraba positivamente dende o partido.

Por outra banda, o PP lograba cinco concelleiros, un menos que no 2015, mentres Riada Cidadá mantén un edil na Corporación e o BNG volve contar con representación nela. Así os nacionalista conseguen un concelleiro tras unha lexislatura fóra do Concello.

“Estamos moi contentos co apoio recibido e comprometémonos a traballar durante os vindeiros catro anos e a facer do Barco un Concello para as persoas”, aseguraba o candidato do BNG, Suso Vilasánchez, quen ademais felicitaba aos demais partidos e valoraba favorablemente que as catro forzas políticas que se presentaban aos comicios obteñan representación.

Fotos: A.R.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies