De “magníficas” cualificaba Gonzalo Caballero, secretario xeral do PSdeG-PSOE, as candidaturas que este partido presentará en Ourense tanto ao Congreso como ao Senado nas vindeiras eleccións xerais do 28 de abril. Dicíao no acto de presentación de ambas listas neste 3 de abril na cidade das Burgas.
“Seguimos percorrendo concello a concello, bisbarra a bisbarra, facendo unha campaña de proximidade para trasldarlle aos cidadáns a importancia destas elección xerais”, que servirán “para plantexar á cidadanía que o 28 de abril decidirase entre dous modelos”, aseguraba. O primeiro deles, proseguía é “o da dereita que virou á ultradereita” e que “supón un retroceso, un regreso ao pasado”. E fronte a iso, Caballero situaba o proxecto “de avance e progreso social que defende Pedro Sánchez”. Por iso, engadía, “o voto ao PSOE é o voto útil para o progreso”.
Neste acto de presentación, Caballero estaba acompañado polo secretario provincial do PSOE, Rafael Rodríguez Villarino. A lista ao Congreso será liderada pola carballiñesa Marina Ortega ao Congreso, e á do Senado por Juan Carlos Francisco Rivera ao Senado.
Para Caballero o PSOE está “nunha etapa de puxanzar, imos recuperar pulo político tamén na provincia de Ourense, onde temos expectativas de incrementar o apoio electoral tanto en termos de porcentaxe relativo como absoluto. Imos mellorar resultados con respecto ás anteriores eleccións”. O partido sociliasta, adiantaba, apostará por “unha campaña de proximidade con actos por toda a provincia”.