PolíticaÚltima hora

O PSdeG-PSOE vianés anuncia que non entrará no goberno municipal

“Ao non acadar acordo algún, estaremos na oposición loitando polos veciños de Viana do Bolo”, segundo sinala a agrupación socialista vianesa

A Agrupación do PSdeG-PSOE de Viana do Bolo vén de anunciar a través dun comunicado de prensa que, despois de dous meses de negociacións, non ten sido posible chegar a un acordo co BNG, cuxo candidato asumía a alcaldía de Viana en xuño.

“Unha vez coñecidos os resultados das eleccións municipais e cunha votación interna moi axustada dos militantes, ante a inexistencia dun acordo previo, a agrupación decidiu apoiar, a cambio de nada , o nomeamento dun alcalde do BNG”, lembran no comunicado.

“A partir de aí a agrupación e os concelleiros socialistas electos abordamos unhas longas negociacións co BNG, coa esperanza de chegar a colaborar no goberno da Alcaldía, e poder acadar o noso programa de futuro para Viana. Nestas negociacións propúxolle ao BNG as condicións seguintes: o grupo do BNG por acadar un maior número de votos, ostentaría a Alcaldía e o PSdeG a Tenencia de Alcaldía e de forma única; existiría unha dedicación exclusiva ós traballos de goberno por cada un dos partidos, xestionándoo cada partido ó seu criterio”, explican.

En canto ao organigrama de reparto das concellerías, os socialistas plantexaban que “Obras-Urbanismo,Deportes-Educación e Servizos Sociais fose para o BNG e Cultura- Festexos e Medio Rural para o PSdeG-PSOE”. E ademais plantexaban que o “montante das inversións do Concello de Viana, se repartise proporcionalmente ó número de votos acadados, de xeito que o BNG disporá do 55% das inversión e o PSdeG do 45% restante”.

Tras diversas reunións, dende a Agrupación Socialista de Viana do Bolo din que “o acordo foi imposible, xa que o BNG empezou a reducir atribucións na área de Cultura e a querer proporcionar un orzamento irrisorio para Medio Rural. Igualmente non se chegou a ningún acordo coas dedicacións”. Ademais os socialistan aseguran que o “BNG non está dacordo co Convenio acadado coa Deputación pola estrada de Santo Agostiño, nin con adicar a cantidade estipulada para o seu arranxo”. Ante isto, conclúen “ao non acadar acordo algún, estaremos na oposición loitando polos veciños de Viana do Bolo”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close