Publicidade
En portadaPolíticaÚltima hora

O PSdG obten tres deputados por Ourense, o que deixa fóra do Parlamento a Eduardo Ojea

O partido socialista posiciónase como terceira forza política na provincia en votos e empata en escanos co BNG

Eduardo Ojea (dereita) na sede do PSdG, no Barco.

 

O partido socialista amplía o seu resultado na provincia de Ourense e consegue 3 deputados no Parlamento de Galicia, o que supón un máis con respecto ás eleccións autonómicas do ano 2016. O PSdG queda como terceira forza política en votos pero empata en escanos co Bloque Nacionalista Galego, que se posiciona como segunda forza.

Eduardo Ojea, político barquense e número catro pola lista provincial, non conseguiu o seu escano e queda fóra do Pazo do Hórreo. En declaracións tomadas na sede do partido socialista no Barco de Valdeorras, Ojea afirmou que os resultados eran os “previsibles” pero que aumentar a representación na provincia foi un feito positivo. “O número catro era moi difícil, o terceiro era posible”, sinalou.

 

Ojea fronte a sede do partido.

 

Comentando os resultados xerais, que mostran unha nova maioría absoluta de Alberto Núñez Feijóo e o sorpasso do BNG aos socialistas, Ojea destacou que “o PSdG é un partido gañador, que en Galicia tiña 14 deputados e agora acadou 15”. Sí quixo facer autocrítica e afirmou que o PSdG “ten que mirar de plantexar outros camiños” xa que “non foi capaz de recuperar os votos de En Marea, que os levou todos o BNG”.

No tocante aos resultados no concello do Barco, o socialista destacou que “no ano 2016 o PSdG acadou o 24,1% dos votos e agora chegamos a 25,3% así que conseguimos manter os resultados a pesar dunha baixada na participación” de 4,99 puntos.

 

O político barquense xunto co concelleiro de Comercio e Turismo, Eladio Santos, e o concelleiro de medio rural, Jesús Jares.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close