O Rallye de Ourense arranca, por terceiro ano consecutivo, no Xardín do Posío

Os tres primeiros en tomar a saída da primeira etapa foron Pernía, Iván Ares e Xevi Pons

Saída do 52 Rallye de Ourense-Ourense Termal.

Baixo unha chuvia intermitente, ás catro desta tarde arrancaba oficialmente o 52 Rallye de Ourense-Ourense Termal. Os 91 equipos que finalmente participan nesta edición da carreira automobilística de referencia a nivel nacional, saían por terceiro ano consecutivo dende o céntrico Xardín do Posío, tras pasar por debaixo das bandeiras española e galega. Bandeiras ondeadas por personalidades como o alcalde en funcións da cidade Jesús Vázquez ou o presidente da Real Federación Española de Automovilismo Manuel Aviñó, entre outros. Do mundo da cultura e o deporte participaron os ourensáns Yosi, cantante de Los Suaves e Miguel Ángel, porteiro do Real Madrid e da Selección Española de Fútbol nos anos setenta e oitenta.

A primeira etapa deste 52 Rallye levou aos pilotos e copilotos por dous tramos ben coñecidos por todos: o primeiro o de Esgos con 15,28 km e o segundo o mítico Canón do Sil con 22,20 km. Segundo a orde dictada polos tempos do Tramo Cronometrado Clasificatorio (TCC) celebrado esta mañá en Castro de Beiro despois do shakedown, os pilotos foron os encargados de elixir un a un a súa posición de saía. Xevi Pons, ganador do TCC, decidía saír 3º, Iván Ares era o 2º e Perní o 1º, quedando a orde de saída do seguinte xeito: Pernía, Ares, Pons, Pepe López, Lemes, Vinyes, Pardo, Blach, Monarri e Francisco López.

 

O parque pechado do rallye sitúase por terceiro ano consecutivo no Xardín do Posío.

Fotos cedidas.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies