Todo está xa preparado. Apenas quedan unhas horas para que dé comezo a 52 edición do Rallye de Ourense (puntuable para o campionato de España de rallyes de asfalto e para o súper campionato de España de rallyes) e os equipos técnicos dos 92 participantes ultiman os preparativos dos vehículos.
Instalados no parque de asistencia, en Expourense, os mecánicos poñen a punto os coches que levarán aos seus pilotos e copilotos polas estradas da provincia de Ourense na procura do podio esta fin de semana. A primeira cita de mañá a partires das 9h. será en Castro de Beiro co tramo de test e xa pola tarde, ás 16 horas comezará a primeira etapa a dobre pasada polos dous primeiros tramos: Esgos (15,28 km) e Canón do Sil (22,20 km).
Ao día seguinte, sábado (8 de xuño) disputarase a segunda e última etapa que contará con tres tramos máis, novos con respecto ás anteriores edicións, por terras do Carballiño: Vilar de Condes (13,45 km), Beresmo (11,33 km); e o selectivo do Carballiño (26,05 km). O final do rallye está previsto para as seis e media da tarde no mesmo punto de partida: o Xardín do Posío.
Fotos: Carlos G. Hervella.
Máis información na seguinte ligazón: https://osil.info/92-participantes-daranse-cita-esta-fin-de-semana-no-52-rallye-de-ourense/
