O branco envolvía de novo as zonas de montaña da provincia de Ourense neste sábado 27 de febreiro. As nevadas regresaban e complicaban o tránsito por estradas como a OU-533 entre A Gudiña e A Rúa, especialmente en puntos como o Alto do Covelo, onde podía verse como pasaba a máquina quitaneves e como a Garda Civil de Tráfico velaba para que a circulación discurrise con normalidade.
A neve deixaba tamén unhas imaxes de postal nos pobos e nas paisaxes de montaña desta zona ourensá.
Fotos: Carlos G. Hervella