Música, conxuro e lume. A ritualidade e a maxia que envolven a Noite de San Xoán despregábase no espectáculo que se celebraba o 23 de xuño en Verín e que viña da man de Terras de Queimada. O mestre de cerimonais era António Lourenço, coñecido como ‘Padre Fontes’.
A celebración arrancaba pasada a medianoite na praza García Barbón coa actuación do Bruxo Queiman e Andrea Pousa, que invocaban aos deuses galaicos a través do lume e escenificaban o ritual da queimada.
De seguido acendíase a tradicional fogueira de San Xoán na Praza da Alameda. Non faltaba tampouco a música a cargo de Zona de Baile A Gramola.
Fotos: Carlos Montero.