DeportesÚltima hora

O Rúa feminino suma e segue

Terceira vitoria consecutiva para o equipo de fútbol valdeorrés que vencía 6-2 ao S.E. Abellá

Está claro que con esforzo e traballo todo se consegue. E así o está demostrando o Rúa-Valdeorras CF, o conxunto rues de fútbol feminino que na mañá do 20 de setembro completaba un gran partido no Aguillón ante o S.E. Abellá da Coruña.

“O equipo está conseguindo resultados, estamos facendo un xogo moi completo e gañando”, asegura Isa, dianteira do club. E non é só que o diga ela, senón que os resultados falan por si mesmos. Despois de vencer 4-3 ao Cacheiras no primeiro partido da tempada e de golear ao Unión no seu propio campo (0-9), as valdeorresas vencían 6-2 ás coruñesas na terceira xornada de liga.

Tres de tres e imparables. Con goles de Carlota en dúas ocasións, de Carol, Lucía e de Isa noutras dúas, as rapazas que adestra Josiño están demostrando que, malia os problemas cos que se atopan con moitas ocasións falladas e arbitraxes que non as favorecen, poden lograr que este sexa “o ano”, situándose en cabeza da clasificación, empatadas a puntos co líder.

Fotos: Mónica G. Bellver

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close