O rues Magín Blanco pon música ao libro ilustrado “O tempo meteorolóxico”

Este título forma parte do proxecto didáctico que A Mesa pola Normalización Lingüística adica á educación infantil proporcionando materiais en galego para nenos de 0 a 6 anos

Ilustración de “O tempo meteorolóxico”.

A Mesa pola Normalización Lingüística vén de estrear “O tempo meteorolóxico”, o videclip realizado polo ilustrador Miguel Robledo a partir da canción do rues Magín Blanco para acompañar o libro ilustrado homónimo que axuda aoa máis pequenos a identificar os fenómenos meteorolóxicos e o seu nome en galego.

Este título forma parte xunto con “O abecedario”, “As aves” e “Os peixes e outra fauna mariña” do proxecto didáctico que A Mesa adica á educación infantil, “proporcionando materiais en galego para nenas e nenos de 0 a 6 anos co obxectivo de potenciar o uso de vocabulario na nosa lingua nesta etapa”, explican dende esta entidade.

Magín Blanco, un dos máis coñecidos creadores de propostas musicais e escénicas para público familiar no panorama actual galego, ponlle música e voz ás cancións que acompañan todos os títulos da colección que A Mesa adica á educación infantil, coas cancións O abecedario, Voa paxariño, Peixiños do mar e con este O tempo meteorolóxico.

“A Mesa quere contribuír con esta liña de publicacións a suplir a escaseza de materiais didácticos en galego para a etapa de 3 a 6 anos, fronte á grande cantidade de recursos existentes en castelán e en inglés”, explican dende esta entidade.

O video pode verse en:
https://www.youtube.com/watch?v=Ag1blAq35Pg

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies