Con máis forza que nunca arranca o Club Atletismo Rúa a organización da súa proba estrela: o Gran Premio de Montaña e Andaina Galitiming.
Tras un ano marcado pola pandemia de coronavirus que finalmente obrigaba a suspender a edición de 2020, esperan poder celebrar a deste 2021, a 5ª, o vindeiro 3 de outubro. Con esa idea comezaron xa a traballar, preparando novos percorridos que darán a coñecer proximamente e introducindo novas probas. Así, ademais o trail, do minitrail e da andaina, este ano incorporan unha maratón de +3200.
As inscricións, para un máximo de 200 persoas, abriranse o vindeiro sábado 24 de abril ás 21horas en http://www.galitiming.com
