EconomíaEconomíaÚltima hora

O Salón de Produtos Tradicionais vai collendo forma á beira do río, no Barco

17 produtores e vendedores de Galicia e norte de Portugal participarán na mostra na fin de semana do 7 e 8 de setembro

O Barco de Valdeorras prepárase para a fin de semana de “prefesta”, previa ao Cristo, cunha serie de actividades en torno á feira que se celebrará na praia fluvial do Malecón, á beira do río.

Alí poden verse xa as carpas que acollerán o Salón de Produtos Tradicionais organizado polo Concello en colaboración co Eixo Atlántico, no que participarán 17 produtores e vendedores de toda Galicia e norte de Portugal, e que abrirá as portas o sábado día 7.

A promoción de produtos tradicionais, na súa maioría do sector da alimentación aínda que tamén haberá artesanía, é o obxectivo deste novo evento na vila barquense. O viño, o mel, aceites, conservas, doces, pan e diferentes elementos de xoiaría e decoración, formarán parte desta feira que permanecerá aberta toda a fin de semana con música, teatro de rúa e un restaurante ambulante como actividades complementarias.

O horario de apertura dos dous días será de 11 a 14 e de 18 a 22 horas e entre os participantes estarán Adega Roandi, Licores Barbudos, Valdeorras é Viño (tenda), Cooperativa Amarelante, Bicas Raigada e Caurelor.

Fotos: Ángeles Rodríguez.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close