EconomíaEconomíaGalerías de fotosÚltima hora

A castaña, entre os sectores galegos presentes na Feira Alimentaria de Barcelona

A conselleira de Medio Rural visitaba na mañá do 17 de abril este certame, no que tamén participan outros sectores galegos como o do mel, a pataca ou os lácteos
A conselleira do Medio Rural e a directora xeral de Gandaría, Agricultura e Industrias Agroalimentarias, con representantes de diversos consellos reguladores, entre eles o da IXP Castaña de Galicia.

Do total de 86 empresas galegas que están a participar dende o luns 16 de abril na Feira Alimentaria de Barcelona, están as relacionadas co sector da castaña. A Indicación Xeográfica Protexida (IXP) Castaña de Galicia está ademais a realizar degustacións no decurso da mostra e tamén están en Alimentaria Cuevas Marróns Glacé e Posada Marrón Glacé.

Asemace contan con presenza neste mesmo espazo expositivo Mel de Galicia, Queixos Arzúa Ulloa, Tetilla, Lacón Galego, Faba de Lourenzá e o Consello Regulador de Agricultura Ecolóxica de Galicia, ademais das empresas Artesanos Peyma, Bico de Xeado, Croketas D, Panificadora Amencer, Naicinña, Yatecomeré, Productos La Mulata e Bágoas do Mar.

A conselleira de Medio Rural, Ángeles Vázquez; acompañada pola directora xeral de Gandaría, Agricultura e Industrias Agroalimentarias, Belén do Campo; facía un percorrido na mañá deste martes día 17 por cada un dos expositores de Galicia e agradecía aos seus responsables o compromiso adquirido porque coidando as súas producións e promocionando a súa marca, dan a coñecer a nosa comunidade ao resto do mundo.

Galicia ten presencia nos diferentes pavillóns: no do sector cárnico (Intercarn) con oito empresas, no de leite (Interlact) con sete compañías e con outras dez empresas diferentes pertencentes a outros ámbitos como a castaña, a pataca e a faba (no pavillón Multi Foods). Hai tamén un espazo reservado para os negocios certificados como agricultura ecolóxica (Intereco) que conta con outras seis firmas galegas. E no mundo do viño, Galicia está presente a través das súas cinco denominacións de orixe no espazo Intervín. Tamén o mar está representando con outras 31 compañías do mundo da pesca, dos conxelados e da conserva.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close