O seguemento dos contactos dun caso importado de Covid-19, unha moza procedente de México que permanece ingresada no Hospital Universitario de Ourense, por unha patoloxía non relacionada co virus, deu lugar á detección de tres casos mais, confirmados por PCR. No concello de Beariz, dous deles tamén importados e con nexo familiar con esta, permanecen en illamento e seguemento domiciliario.
“Ante os novos contaxios estase a ampliar o círculo de contactos, co obxectivo de limitar o risco de novas infeccións, e tomando as medidas preventivas indicadas nos protocolos aplicables nesta situación” explican dende o Sergas.
Unha vez mais, desde a Área Sanitaria de Ourense, Verín e O Barco de Valdeorras instase a poboación a manter a vixilancia e seguir cumprindo as instrucións das autoridades sanitarias: Hixiene de mans frecuente, emprego de máscara e distancia de seguridade. Ademais, “ante calquera síntoma compatible coa infección, como tose, febre, cansazo…, quedar na casa e evitar o contacto con outras persoas, ata recibir instrucións desde os seus centros de saúde ou PAC. Asemade, ante calquera dúbida poden informarse chamando ao teléfono 900 400 116”.
