EconomíaEconomíaÚltima hora

O selo Galicia Calidade incorpórase ao sector turístico

Trátase dunha iniciativa pioneira en España e con ela búscase diferenciar o turismo galego
Un dos momentos do acto de sinatura do acordo.
Un dos momentos do acto de sinatura do acordo.

A partir de agora a marca Galicia Calidade funcionará como aval da excelencia das empresas turísticas. Na mañá do 22 de xaneiro o conselleiro de Economía e Industria, Francisco Conde, a directora de Turismo de Galicia, Nava Castro, e o presidente do Clúster de Turismo de Galicia, Francisco González, asinaban un acordo que permitirá incorporar este ao sector turístico galego.

Segundo destaca Francisco Conde trátase dunha iniciativa pioneira en España e con ela búscase “diferenciar ao turismo galego dos seus competidores, poñendo en valor os nosos atractivos, o que nos fai únicos”. Asemade incidía en que o acordo posibilitará que o selo Galicia Calidade, que ampara a máis de 50 empresas e 250 produtos tras medrar nun 10% en ambos eidos en 2014, garanta o carácter único de determinados establecementos turísticos galegos, reforzando desta maneira o labor de certificados como a Q de calidade ou o ISO.

Tamén destacaba o conselleiro que a concesión desta marca de calidade responderá no eido turístico a uns valores complementarios e específicos do turismo galego: arquitectónicos, medioambientais, paisaxísticos, culturais, ou gastronómicos.

Coa sinatura deste acordo Galicia Calidade incorpórase ao sector turístico da comunidade.
Coa sinatura deste acordo Galicia Calidade incorpórase ao sector turístico da comunidade.

Outros dos obxectivos do acordo é potenciar os produtos de orixe galega. Un dos requisitos para obter a calificación de Galicia Calidade será a presenza manifesta de produtos autóctonos e produtos alimenticios amparados polas Indicacións Xeográficas Galegas, unha iniciativa baseada na convicción de que o sector turístico, desde as casas de turismo rural ata os restaurantes, supoñen o mellor escaparate para a promoción dos produtos autóctonos.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close