Un total de 14 persoas participaron na XI edición do concurso fotográfico Manuel Blanco Pascual, convocado polo Instituto de Estudos Valdeorreses. Baixo o lema “Patrimonio Natural de Valdeorras, unha aproximación á defensa da natureza”, o certame recibíu 42 fotografías “a maioría de excelente calidade, que recollen a riqueza forestal, paisaxística e fluvial de Valdeorras”, asegura o presidente do IEV, Aurelio Blanco, engadindo que algunhas representan árbores centenarias que non foron incluídas no catálogo de Árbores Senlleiras da Xunta “e que nos serrvirán para solicitar a súa inclusión”.
O primeiro premio, dotado con 200 euros e placa é para a fotografía titulada “O sendeiro dos avós”, de Manuel Juan Otero Pérez. O 2º premio é para “Aciñeira de Cobas, Serra da Enciña da Lastra” de Margarita Rodríguez Blanco (150 € e placa); e o 3º para “Aciñeira Centenaria”, de Jorge Vidal Pacios (100 € e placa).
O xurado decidía ademais crear seis accésit “dada a calidade dos traballos presentados” dotados con 50 euros e Concha de Santiago, que son para: Arsenio Blanco Gayoso, Susana Fernández Fernández, Álvaro Rodríguez Pérez, Adolfo Fernández Docasar, Luis Prada Ferrer e María Elina Blanco Gayoso.
A exposición con todas as imaxes instalarase no Casino do Barco, a partires do 30 de novembro, e alí, fóra de concurso, o IEV presentará fotografias de árbores “que ao noso xuízo non deberan ter sido talados, cun lema similar a “plántanos, cóidanos, pero no nos mates”, como dirixido pola árbore ao home”, explica Blanco Trincado.
