SanidadeÚltima hora

O Sergas considera que a poboación de Rubiá “continuará axeitadamente atendida” cun médico de familia

Tamén sinala, a través dun comunicado de prensa, que o “Hospital Comarcal de Valdeorras non perde ninguna praza de internista”
Panorámica da localidade de Rubiá./ Foto: Carlos G. Hervella.

En resposta á recollida de sinaturas que se está a realizar en Rubiá pedindo o mantemento de dúas prazas de médico de familia neste concello valdeorrés, o Sergas vén de emitir un comunicado sinalando que “o Centro de Saúde de Rúbiá ten a data de hoxe 1.025 (incluíndo os pacientes de centros da terceira idade) usuarios. Pese a este reducido número de poboación, ata hai pouco contaba con dous médicos. Polo que, concidindo coa xubilación dun deles (que atendía a un cupo de 330 pacientes) a Xerencia de Xestión Integrada de Ourense, Verín e O Barco de Valdeorras procedeu a integralos nun único cupo médico”.

Neste senso a Xerencia de Xestión Integrada de Ourense, Verín e O Barco considera que “a poboación de Rubiá continuará axeitadamente atendida, cunha media de pacientes/médico moi inferior á media provincial -un médico por cada 1.200 usuarios- e moito mellor que a considerada, segundo tódolos estándares, como óptima, de 1 médico por cada 1.500 usuarios”.

Tamén se matiza dende o Sergas que “hai que subliñar que o devandito cupo de 330 pacientes, estaba a ser atendido por un médico do antigo modelo asistencial (APD) con só dúas horas e media de consulta, praza que agora reconvertirase nunha de novo modelo, a xornada completa, o que sen dúbida repercutirá no beneficio público, garantindo ademais o mantemento dos recursos humanos da sanidade pública da provincia Ourense”.

 

Internistas do HCV

Na mesma nota de prensa, o Sergas asegura que o “Hospital Comarcal de Valdeorras non perde ninguna praza de internista. Non se pode confundir o traslado de internistas, por mor do recente concurso, con perda de prazas ou persoal médico no Hospital”

E sinala que “das dúas prazas que quedaron vacantes neste concurso, una vén de ser cuberta, e a outra o será nos próximos días, unha vez conclúa o proceso de acoplamentos que está tendo lugar en toda Galicia, e que por tanto produciu cambios de profesionais en todos os hospitais do Sergas”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close