Ao longo de medio cento de páxinas o “Especial Cristo 2016” fai un percorrido amplo e pormenorizado polas diferentes propostas do programa das festas grandes do Barco, que se celebrarán do 8 ao 14 de setembro. Este monográfico pode atoparse xa nos quioscos.
Nel damos conta dos cultos relixiosos, tamén das propostas lúdicas, musicais ou deportivas, con eventos de especial referencia como o Descenso Internacional do Sil que cumpre 50 anos ou a Milla Urbana, con trinta edicións ás súas costas. Ademais diso abordamos diferentes aspectos da actualidade municipal con reportaxes e entrevistas, así como coas aportacións dos nosos colaboradores.
