O SilFest Valdeorras 2019 quenta motores

Mañá, mércores 13 de febreiro, sairán á venda ás entradas da 4ª edición do festival á beira do río

Unha das actividades con viño realizada na pasada edición do SilFest. /Foto: Mónica G. Bellver.

Seguindo a estela das anteriores edicións, o cine, a poesía, a gastronomía e a naturaleza, mestúranse coa música en directo e o viño para dar forma ao SilFest Valdeorras 2019. Un festival multicultural á beira do río que se celebrará do 4 ao 6 de xullo no Barco.

A organización leva meses preparando a cuarta edición e este mércores 13 de febreiro ás 10h. quedará aberta a venda das entradas. Tal como avanzan dende o SilFest, os 100 primeiros poderán conseguir o abono para o festival por 12 euros (+gastos de xestión). “Unha vez que se esgote a oferta, o prezo anticipado será de 16 euros (+g.x.) e o prezo en taquilla de 22 euros  (+g.x.)”. Mañá tamén saíran á venda os abonos anticipados do Mini SilFest por 4 euros (+g.x.), válidos para cativos de 3 a 15 anos. Os abonos inclúen o acceso ao recinto os días 5 e 6 de xullo así como á zona de acampada.

As entradas estarán á venda na web do festival: www.silfestvaldeorras.com e proximamente os abonos anticipados tamén estarán dispoñibles de forma física en varios puntos de venda da zona.

Con respecto ao apartado musical, a organización vai pouco avanzando o nome das bandas que actuarán este ano. De momento están confirmados os galegos Igloo, os bercianos The Morgans e os valencianos La Plata.

 

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies