Abrir unha sede no Barco de Valdeorras “era o noso reto. Tiñamos aos compañeiros pero necesitabamos un lugar de reunión, e hoxe, despois duns cantos anos aforrando e pedindo apoio aos afiliados (porque vivimos exlucivamente das cuotas), damos por fin resposta a esa demanda tan sentida na comarca”. Así o confirmaba José Manuel Fernández López, presidente de ANPE Ourense, que se achegaba ata Valdeorras para inaugurar o local que o sindicato independente e profesional de mestres do ensino público porá a disposición dos afiliados da comarca, no número 7 da Galería Paylo do Barco.
Acompañando a José Manuel, asistían á inauguración a vicepresidenta e secretaria de ANPE Ourense, Iria Fernández Ordóñez; o encargado do Campus Auriense (plataforma de formación online), Antonio Conde Loureiro; os delegados en Valdeorras, Celso Francisco Gómez Caamaño e Ignacio Hermida González; e o delegado sindical, Celso Chao Corbal.
No propio local, o presidente ourensán de ANPE (Asociaciación Nacional de Profesores del Estado) explicaba que os compañeiros da comarca e limítrofes contarán con compañeiros que os van atenderán, e será sede tanto de ANPE como sindicato para tratar temas administrativos, retributivas, laborais…, como sede do defensor de profesor. Ademais “terán unhas instalacións á súa disposición, é dicir, os compañeiros que teñan grupos de traballo fóra do horario escolar e necesiten un lugar no que reunirse poderán facelo aquí, trasladar inquedanzas, preparar proxectos, concursos, actuacións…”. Fernández lópez insiste en que “isto é froito catro anos, algo que era demandado, querido, esperado e que houbo que superar moitas dificultades porque todo o temos que facer nós”. Por iso agradece “dun xeito moi especial aos compañeiros e compañeiras profesores da comarca o seu esforzo e animalos a unirse a este proxecto porque eles son os que van sustentalo. Así funcionamos, non existe otra maneira para nós”.
Con preto de mil afiliados na provincia de Ourense, ANPE é un sindicato profesional con dúas vertentes. Unha profesional que defende e sustenta ANPE e outra que é o defensor do profesor. Nesta faceta “Ourense foi dos primeiros xunto con Madrid” di o presidente, explicando que se trata dun colectivo de docentes do ensino público que nace ao detectar un incremento importante de convivencia escolar (violencia escolar), nas aulas e a dificultade para abordalas por parte dos propios profesores. “Tratamos de encauzar esas situacións que se producen e que desgraciadamente ocorren nos nosos centros, e atopar un lugar común no que poder resolvelas. Ademais o sindicato conta co Campus Auriensis, una plataforma dixital orientada á autoformación dos profesores.