Un grupo de alumnos de diferentes cursos, puxeron música ao Entroido no propio centro
Bombos de diferentes tamaños, jembés e todo tipo de artiluxios de madeira, son os instrumentos que durante dous días formaron o Folión do IES Lauro Olmo do Barco de Valdeorras.
Coordinados pola profesora de música, un numeroso grupo de alumnos de diferentes niveis, foron os encargados de poñer son ao Entroido no centro educativo.
Aproveitando o tempo de recreo e cunha perfecta coreografía, o Folión do instituto, tocou o xoves e o venres de Entroido (12 e 13 de febreiro), colleitando aplausos e parabéns por parte de mestres, compañeiros e todo aquel que se achegou a escoitalos.
Fotos: Mónica G. Bellver.
