ConcellosGalerías de fotosÚltima hora

O son dos folións envolve Trives co Entroido de Verán

A vila vibraba ao ritmo de sete folións a partires das seis e media desta tarde de domingo

Dende o Campo da Barreira ata a Praza do Reloxo. Era o percorrido do desfile de folións que na tarde do 11 de agosto percorría a vila de Trives no marco dos actos da XI Mostra do Patrimonio Inmaterial. Un desfile que permitía desfrutar en pleno agosto dos ritmos e mesmo dalgunhas máscaras do Entroido propio do oriente ourensán.

 

 

Entre os folións participantes estaban A Caniceira (Trives), Os Arrieiros (Petín), As Maceiras (Trives), A Lardeira (Trives), O Irrio (Castro Caldelas), Os Labregos (Trives) e Os Viticultores (Vilamartín). Numerosas persoas seguían esta atroadora e festiva comitiva de bombos e aixadas que retaba á chuvia que comezaba a caer arredor das oito e que, finalmente, lograban escorrentar. Durante o desfile a organización contaba co apoio de Protección Civil de Trives e da Policía Local. Ao rematar, a organización ofrecíalles unha merenda aos membros dos folións participantes.

 

O programa da Mostra do Patrimonio Inmaterial, que organiza a Asociación Cultura A Caniceira, completarase esta noite coa actuación do grupo Os Fillos do Estramonio na Praza do Reloxo de Trives.

Fotos: Carlos G. Hervella/ Ángeles Rodríguez.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close