Co fin de ter un coñecemento directo de medios e capacidade para a xestión de emerxencias e prevención dos lunes, o subdelegado do Goberno en Ourense, Emilio González Afonso, acudía na mañá do 6 de novembro a unha reunión na base “Conde de Gazola” sede do Quinto Batallón de Intervención en Emerxencias.
Nela o tenente xeneral Miguel Alcañiz Comas, xefe da Unidade Militar de Emerxencias (UME), mantiña unha xuntanza de traballo cos delegados e subdelegados do Goberno de Galicia, de Castela e León, Cantabria e Asturias. No seu decurso dábanse a coñecer os medios e capacidades dos que dispón este batallón para facer fronte ás posibles emerxencias que poden xurdir dentro das competencias desta área de responsabilidade.
Na xuntanza analizábanse as posibilidades para a prevención e actuación na loita contra os lumes forestais, rescate vertical, búsqueda e rescate urbano, rescate acuático, tormentas invernales, inundacións, etc. O subdelegado do Goberno en Ourense, Emilio González Afonso, considera que esta é unha área de traballo moi relevante na provincia debido ao alto risco que existe cos lumes e destaca que se trata dun tema ao que lle concederá “especial atención para lograr mellorar a prevención e a actuación”.