No mediodía do 18 de novembro o subdelegado do Goberno en Ourense, Roberto Castro, recibía en audiencia a mandos da GNR portuguesa: Comando Territorial de Bragança, Comando Territorial de Braga, Comando Territorial de Porto, Comando Territorial de Vilarreal, que estes días están a desenvolver diferentes xornadas de traballo con mandos da Garda Civil de Zamora, Pontevedra e Ourense.
Estes mandos lusos estiveron acompañados polo Tenente Coronel da Comandancia de Zamora, o Tenente Coronel da Comandancia de Pontevedra e o Tenente Coronel da Comandancia de Ourense.