O teatro afeccionado sube ao escenario na Rúa

A V edición das xornadas afrontan a recta final na fin de semana do 11 ao 13 de xullo

Coa gala de apertura celebrada a finais de xuño, arrancaban as V xornadas de teatro da Rúa, este ano con carácter internacional, organizadas pola asociación cultural de teatro A Ruada. Coma sempre serían os anfitrións, A Ruada, os que daban o pistoletazo de saída coa estrea da obra “Taberna sen dono”. A partires de aí pasaron polo Centro Cultural Avenida outras cinco agrupacións: Gargallada do Barco coa obra “O anel máxico”; AMBI-COCEMFE teatro de Ponferrada coa obra “Intercambiando pensamientos”; Morea Show do Barco coa obra “Microencontros”; PRODEME teatro de Monforte con “A Cidade non é para min”; e Candea teatro de Viana con “Xulia e os Pérez”.

Pechando esta edición das xornadas de teatro afeccionado, o venres 11 de xullo subirá ao escenario TEF teatro experimental flaviense, de Chaves (Portugal) coa obra “As tres pancadas”. Dende a organización esperan contar coa asistencia do Secretario Xeral de Cultura Anxo Lorenzo.

O sábado día 12, será o grupo La Caja de Pandora de Verín o que actúe a partires das 21:30h. poñendo en escea a obra “Perseguindo un soño”.

E xa o domingo día 13, terá lugar a gala de clausura, cunha nova actuación do grupo de música e baile Abertal e do grupo Pisabarros de Veigamuíños que porá o broche coa obra “Cincocentos anos e un día”.

Fotos: Carlos G. Hervella/ Mónica G. Bellver

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies