O teatro de Matrioshka abre os actos da Semana das Letras Galegas no Barco

Entre as diversas propostas do programa tamén figuran unha conferencia de Manuel Agra sobre María Victoria Moreno o 15 de maio e un festival musical e literario na tarde do 17 de maio

Detalle do cartel da obra de Matrioshka que poderá verse no Teatro Lauro Olmo.

Con teatro comezará a Semana das Letras Galegas no Barco. Estará chea de propostas culturais para públicos das diferentes idades. Así o venres día 11 de maio ás 21h. representarase no Teatro Lauro Olmo a obra “Señora que pasea pola rúa con dous cans preciosos”, unha montaxe de Matrioshka en homenaxe a María Victoria Moreno. Na obra faise un percorrido pola vida e a obra desta profesora e escritora. O 15 de maio, ás 20:30h., Manuel Agra Vilar impartirá a conferencia “María Victoria Moreno, compromiso coa literatura, con Galicia e coa vida”, na Biblioteca Florencio Delgado Gurriarán.

 

Manuel Agra dará unha conferencia no Barco sobre a autora homenaxeada nas Letras./ Foto: A.R.

O acto central da Semana será na tarde do 17 de maio. Ás 20:30h. a praza Maior da vila acollerá a Festa das Letras, un festival musical e literario con numerosos participantes. Así subiranse ao escenario os membros de Gargallada Teatro (Manuel Caramés, Lalo Santos, Reyes Limia, Manuel González), así como Roma do Val, Sderap, TorfyJorge Álvarez e Armando Pérez Dúo, Xoaquín Freixeiro e Mauro Docampo Dúo.

Ademais o 18 de maio ás 21h. no Teatro Lauro Olmo ofrecerase o recital de poesía galega “De abrentes e ocasos” de Teatro do Atlántico. Finalmente os días 17 e 20 de maio proxectarase o filme galego “Dhogs”, dirixido por Andrés Goteira, no mesmo Teatro Lauro Olmo, e o día 20 ás 11h haberá un maratón de lectura na praza Andrés de Prada.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies